Урлаг - Булган аймаг

Урлаг - Булган аймаг http://bulgan.nutag.mn/ ru Урлаг - Булган аймаг DataLife Engine BTS-ийн “Arirang” цомгийн 10 дуу Billboard Hot 100-д бичигдэж байна http://bulgan.nutag.mn/index.php?newsid=2463 http://bulgan.nutag.mn/index.php?newsid=2463

Өмнөд Солонгосын хамгийн алдартай хамтлагуудын нэг болох BTS шинэ “Arirang” цомгоороо дэлхийн хөгжмийн зах зээлд ноёрхлоо үргэлжлүүлж байна.

2026 оны дөрөвдүгээр сарын эхний долоо хоногийн байдлаар тус цомгийн 10 дуу Billboard Hot 100 чартад бичигдэж байна.

Гол сингл болох “Swim” өнөөдрийн байдлаар 2-т бичигдэж, өмнөх долоо хоногийн нэгдүгээр байрнаас нэг шат буусан байна.

Өмнөх долоо хоногт шинэхэн цомгийн 14 дуунаас 13 нь нэгэн зэрэг чартад орсон нь томоохон амжилт болсон юм.

“Arirang” цомог Billboard 200 чартад дараалан 2 дахь долоо хоногтоо №1-т бичигдэж байна. Энэ нь K-pop урсгалын хувьд анх удаа гарч буй амжилт болж байна.

Дэлхийн аялан тоглолт

BTS хамтлаг “Arirang” дэлхийн аялан тоглолтоо БНСУ-ын Гоянд 3 өдрийн тоглолтоор эхлүүлэхээр төлөвлөжээ.

Мөн тус аялан тоглолтод шинээр нэмэгдсэн хотууд:

Лима (Перу)
Сантьяго (Чили)
Буэнос-Айрес (Аргентин)

BTS Өмнөд Америкт бүрэн бүрэлдэхүүнээрээ анх удаа тоглох гэж байна. “Arirang” аялан тоглолт нийт 34 хот, 85 тоглолтыг хамрах болно.

]]> zulaa Mon, 13 Apr 2026 14:22:18 +0800 Францын Эдриен Дюбошийн үндэсний музейгээс 9.5 еврогийн өртөг бүхий үнэт үзмэрүүд хулгайд алдагджээ http://bulgan.nutag.mn/index.php?newsid=2319 http://bulgan.nutag.mn/index.php?newsid=2319

Францын Лимож хот дахь Эдриен Дюбошийн нэрэмжит үндэсний музейгээс 9.5 сая еврогийн үнэлгээ бүхий маш ховор, үнэт үзмэрүүд хулгайд алдагдсан байна.

Уг хулгайн хэрэг орон нутгийн цагаар лхагва гарагаас пүрэв гарагт шилжих шөнийн 03:15 цагт болсон бөгөөд Францын үндэсний баялагт тооцогддог 14, 15-р зууны үеийн хоёр хятад шаазан тавиур болон 18-р зууны үеийн хятад ваар алдагджээ.

18000 орчим маш ховор, тансаг зэрэглэлийн үнэт шаазан эдлэлийн цуглуулгаараа алдартай тус музейд хулгайч нар цонхыг нь хагалан орж, дээрх гурван үзмэрийг аваад дуудлагаар ирсэн цагдаа нарыг ирэхээс өмнө хэргийн газраас зугтаасан байна.

Прокуроруудын зүгээс хэргийг мөрдөн шалгах ажлыг эхлүүлснээ мэдэгдсэн бол Лимож хотын дарга Эмиль Роже Ломберти “музейн дохиоллын систем ажилласан боловч системийг шалгах хэрэгтэй” гээд, дэлхийд олон музей хулгайд өртдөгийн гол шалтгааныг үнэт эдлэлийн цуглуулагчдаас өгдөг хууль бус захиалгатай холбон тайлбарлажээ.

Тэгвэл пүрэв гарагт Францын өөр нэгэн музейд мөн дээрмийн хэрэг гарсан байна. Тус улсын зүүн хэсэгт орших Иероны музейд зэвсэглэсэн этгээдүүд нэвтэрч, олон сая ам.долларын өртөг бүхий үнэт эдлэлийг дээрэмдсэн байна.

]]> zulaa Tue, 09 Sep 2025 12:06:53 +0800 Дэлхийн шилдэг баритон дуучин Э.Амартүвшин АНУ, Италид тоглоно http://bulgan.nutag.mn/index.php?newsid=2312 http://bulgan.nutag.mn/index.php?newsid=2312

Ардын жүжигчин, дэлхийн шилдэг баритон дуучин Э.Амартүвшин Америкийн Сан Франциско дуурийн театрт улирлын тоглолтын нээлтээ хийх гэж байна. Тэрбээр 2025 оны есдүгээр сарын 5, 10, 13, 16, 19, 21, 24, 27-нд алдарт "Риголетто" дуурьт тоглох бол Италийн алдарт Ла Скала театрт аравдугаар сарын 7, 10, 13, 16, 22, 25, 28-нд "Риголетто" дуурийн гол дүрд тоглох гэнэ. Алдартай дуурьд хувийн ашиг сонирхлын төлөө эрх мэдэлд улайран шунах нь хүний сэтгэл зүй, амь насанд хичнээн хор уршигтайг харуулна.

Тэрбээр 2011 онд 25 насандаа Монгол Улсын Гавьяат жүжигчин цолыг хүртсэн бол 2022 онд Ерөнхийлөгчийн зарлигаар Ардын жүжигчин цол хүртэж байв.

Тэрбээр 2004-2009 онд Соёл урлагийн их сургуулийг Гавьяат жүжигчин Ц.Ерөө багшийн удирдлага дор суралцаж төгссөн бөгөөд 2009 оноос сонгодог урлагийн гараагаа Дуурь, бүжгийн эрдмийн театраас эхэлж байжээ. Энэ хугацаанд дэлхийн томоохон сонгодог урлагийн уралдаан тэмцээнүүдээс дараах шагналуудыг хүртэж байв.

2011 онд П.И.Чайковскийн нэрэмжит ОУ-ын XIV уралдаан /Санкт-Петербург, ОХУ/, II байр мөн үзэгчдийн нэрэмжит шагнал,
2012 онд Плачидо Домингогийн ОУ-ын дуурийн дуучдын уралдаан /Бээжин, БНХАУ/, I байр,
2013 онд Франциско Винасын нэрэмжит 50 дахь ОУ-ын уралдаан /Барселон, Испани/, II байр, Оросын хөгжмийн зохиолчдын бүтээлийн шилдэг дуучин мөн «Associacio d’Amics de l’Opera deSebadell»-ийн тусгай шагнал,
2015 онд «BBC Cardiff Singer of the World» тэмцээн, үзэгчдийн нэрэмжит шагнал,
2016 онд «Seoul International Music Competition»-д III байрыг тус тус эзэлсэн.

]]> zulaa Tue, 02 Sep 2025 10:16:44 +0800 Хаан галерейд үзэсгэлэн гаргах уран бүтээлчдийг сонгон шалгаруулна http://bulgan.nutag.mn/index.php?newsid=2236 http://bulgan.nutag.mn/index.php?newsid=2236

Монголын дүрслэх урлаг, уран бүтээлчдийг дэмжих эрхэм зорилгын хүрээнд ХААН Банк 2007 онд дэргэдээ ХААН галерейг байгуулж, уран бүтээлчдэд үзэсгэлэнгээ үнэ төлбөргүй олон нийтэд толилуулах боломж олгож ирсэн билээ.

Энэхүү санаачилгыг үргэлжлүүлж, 2025-2026 онд ХААН галерейд үзэсгэлэн гаргах хүсэлтэй уран бүтээлчдийн төслийг сонгох сонгон шалгаруулалт зарлаж байна.

Сонгон шалгаруулалтад оролцох хүсэлтэй уран бүтээлчид ХААН Банкны 5000000015 тоот дансанд 5,000 төгрөгийг эргэн төлөгдөхгүй нөхцөлтэй тушааж /Гүйлгээний утга дээр DPR-25-0529 дугаарыг заавал бичнэ/, баримтыг албан бичгийн хамт ХААН Банк цамхгийн ресепшинд битүүмжлэн өгч сонгон шалгаруулалтын өгөгдөл, бусад мэдээллийг авна уу.

Материалыг 2025 оны 5-р сарын 9-ний өдрийн 17:00 цаг хүртэл хүлээн авах бөгөөд зөвхөн шалгарсан уран бүтээлчдэд хариу мэдэгдэх болно.

Жич: Сонгон шалгаруулалттай холбоотой мэдээллийг bidding@khanbank.com хаягт хандаж авна уу.

Хаяг: ХААН Банк цамхаг, Чингисийн өргөн чөлөө-6, Стадион Оргил-1, ХУД -15 хороо, Ш/Х-192, Улаанбаатар-17010

]]> zulaa Thu, 01 May 2025 15:52:06 +0800 Бодит байдлыг харах “тусгай шил”-ээр “Stereotype” үзэсгэлэнг тольдоорой http://bulgan.nutag.mn/index.php?newsid=2169 http://bulgan.nutag.mn/index.php?newsid=2169

Бидний эргэн тойронд байж л байдаг сандал, ширээ, түлхүүр, хүүхдийн тоглоом... Аль хэдийнээ нүдэнд дасаж, онцгойлон “өртөхөө” ч больж, анхнаасаа ийм л байх ёстой мэт хүн бүр хүлээн зөвшөөрчихсөн. Сандал бол ийм, ширээ бол ийм. Энэ бүгд яг энэ хэвээрээ л байх ёстой гэсэн бодол. Яг ийм замаар бидний дотор хэвшмэл ойлголт буюу стереотип үүсдэг.

Өөрөөр хэлбэл, стереотип нь тодорхой бүлэг хүмүүс, үзэгдэл эсвэл юмсын талаарх өнгөц хэр нь нийтлэг ойлголттой байхыг хэлдэг. Гэхдээ эдгээр нийтлэг тодорхойлолт яагаад бий болсон, эсвэл бий болох боломжтой талаар бидний өдөр тутам хэрэглэдэг энгийн эд юмсыг төлөөлүүлэн уран бүтээлч А.Болормаа “Stereotype” үзэсгэлэндээ онцолжээ.

Энэ нь түүний эх орондоо гаргаж буй анхны бие даасан үзэсгэлэн бөгөөд ХААН галерейд 2-р сарын 15-нд нээлтээ хийсэн юм. Үзэсгэлэнд дэлгэсэн бүтээлүүдийн хувьд Монголд сүүлийн жилүүдэд тун ховор хийгдэж буй өнгөт модон бар, хулдаасан бар болон холимог техникээр бүтсэн, интерактив гэдгээрээ онцлогтой.

А.Болормаа нь СУИС-ийн Дүрслэх урлагийн академийг график зургийн чиглэлээр суралцаж төгсөн, Норвеги улсын Агдерийн их сургуульд урлаг судлалаар магистрын зэрэг хамгаалсан. Мөн Норвегийн Берген хотын Дүрслэх урлагийн академийн мэргэших сургалтад суралцан, олон төрлийн уран бүтээлийн арга техник эзэмшсэн уран бүтээлч бөгөөд 2018 онд Монголд ирснээсээ хойш Дүрслэх урлагийн академид багшаар, 2025 онд СИТИ их сургуулийн Архитектур дизайны сургуулийн График дизайны тэнхимийн эрхлэгчээр ажиллаж буй юм.

Тэрбээр үзэгчдийн оролцоотой, анаглиф арга техникийг ашиглан тогтсон стереотип, нийтлэг ойлголт, хязгаарлагдмал дүрслэлийг давсан бодит байдал, олон талт үзэл баримтлал бий гэдгийг бүтээлээрээ дамжуулан илэрхийлэхийг зорьжээ.

Бодит байдал нь олон талт, хувь хүний онцлог, нөхцөл байдлыг агуулсныг угтаа бид дотроо мэдэж байдаг ч ихэнхдээ санаж сэрэх, мэдрэхээ умартан урагшилсаар байдаг. Зүйрлэвэл яг л энэхүү үзэсгэлэнгийн танхимд буй улаан, цэнхэр өнгийн нүдний шил зүүчхээд тайлж бодит байдлыг харахын оронд улам бүр цааш алхах мэт. Эсвэл эсрэгээрээ бидэнд бодит байдлыг харах “тусгай шил” дутсан ч байж болох юм.

Бага насны хүүхдүүдэд үсэг цээжлүүлэхэд хэрэглэдэг зурагтай карт байдгийг та санаж байна уу? Аяганы зураг үзүүлээд аяга гэхэд ордог “А” гээд цээжилдэг. Тэгвэл тэр а үсэг ердөө л үгэнд нь байдаг л үсэг болохоос аягыг бүхэлд нь илэрхийлэхгүй шүү дээ. Энгийн нэг үсгээс гадна өөр үсгүүд нийлж байж л аягыг, шоог эсвэл морь гэсэн бүтэн утга бүтээдэг.

Юмсыг эсвэл хүмүүсийг ч гэлтгүй та өөрийгөө, бодол, мэдрэмжээ шинээр танин мэдвэл ямар сонирхолтой байх бол? Нялх хүүхэд юмс үзэгдлийг ажиглан судлан мэдэрч хүртэж байж танин мэддэгтэй адил та ч дотоод хүүхдээ сэрээн эргэн тойрноо, дэргэдэх хүмүүсээ үгүй бүр танихгүй хүмүүсийг ч, өөрийгөө ч шинээр танин мэдэх зорилгоор фильтер бүхий нүдний шилээ тайлаад юмсын жинхэнэ өнгийг харна уу.

“Stereotype” үзэсгэлэн ХААН Банк цамхгийн 3-р давхарт байрлах ХААН галерейд 2025 оны 2-р сарын 28-ныг дуустал ажлын өдрүүдэд 09:00-18:00 цагийн хооронд үнэ төлбөргүй нээлттэй бөгөөд урлаг сонирхогч та бүхнийг хүрэлцэн ирэхийг урьж байна.

]]> zulaa Tue, 25 Feb 2025 20:48:54 +0800 "Алтан бөмбөрцөг" наадмын шилдгээр Зой Салдана, Деми Мур, Колин Фарел нар шалгарлаа http://bulgan.nutag.mn/index.php?newsid=2090 http://bulgan.nutag.mn/index.php?newsid=2090

Кино, телевизийн салбарын шилдгүүдийг шалгаруулдаг “Алтан бөмбөрцөг” наадам Лос–Анжелес хотод өнөөдөр /2025.01.06/ болж байна. Тус наадмын 82 дахь удаагийн шагнал гардуулах ёслолын шилгүүдийг танилцуулж байна.

Жүжигчин Collin Farrell “Penguin”олон ангит киноны дүрээрээ “Алтан бөмбөрцөг” кино наадмын телевизийн цувралын “Шилдэг эрэгтэй дүр” шагналын эзэн боллоо.

Америкийн жүжигчин Зои Салдана “Emilia Perez” кинонд бүтээсэн дүрээрээ “Туслах дүрийн шилдэг эмэгтэй жүжигчин”-ээр шалгарлаа.